স্পেনোর ট্যুরিস্ট ফেস্টিভ্যালে আমার নটপালা

দেবাশিস সিংহ

স্পেনোর ট্যুরিস্ট ফেস্টিভ্যালে এশিয়ার সংস্কৃতি প্রদর্শনীত মণিপুরী নট পালা বারো মৃদঙ্গ নৃত্য দেহাইলাগা। স্পেনোর বার্সেলোনা টাউনর মাপুগো মেয়র গিরক, ভারত বারো বাংলাদেশর হাইকমিশনার, স্পেনোর সংস্কৃতি বিষয়ক গবেষক অতাই মণিপুরী নটপালা বারো মৃদঙ্গ নৃত্য দেহিয়া জবর হবা পেইলা। ভারতর শান্তি নিকেতনর বাউল দল, নৃত্য শিল্পী, চীনর ফোক এলা বারো ইন্দোনেশিয়ার নৃত্য ও দেহাদিয়াছি, অতা হাবিত্ত মণিপুরী সংস্কৃতি এহান সমৃদ্ধ বারো বপিয়া হবা ইসে বুলিয়া তানুয়ে মাতলা। স্পেনোর কাসা এশিয়া সংস্থা আহানে বার্তন করিয়া

জাতপরানির লাইনে আছি আরাকৌ। পরিণতিহান ‘আরলে বাপরেউ কইওনা’!

সগোত্র-রাজারগাঙ-মাদইগাঙ লমিয়া বামনে-মানুয়ে-কুলিয়ে-মালিয়ে-ধুলিয়ে অরোত-পিরোতর যুগহান লমিল পারা। যুগ অহান লালয়া আরাক যুগ আহাত পারা দিলোগা আমার সমাজ। প্রমোশন পেইলো পাত্র-পাত্রীর খৌরাং। গর বেলিয়া পর। আহিগি পরিলগা মিয়াঙরাং। আজিকার গাউরাপা-পুরিজেলা জবর হেইনা ইসি পথ এহান্দে। শিতি অতাই খানি বপ। তানুর খৌরাংহান দেখলে আমার সৌ সুমারায়ৌ নিংকরতে পারে নুয়া পথ এহান্দে জবর আটানি নুঙেইসাত বুলিয়া। হুত্তুমে কি পথ এহান নুঙেইহান?

উত্তরহান পেইতে ইথাকরতা তিনবছর লাগিল। সমাজ বেলিয়া দাপদিসি ঔ জেলা-মুনি অতার পৌ লুইতেগা হারপেইলাং কি নুঙেইপা দেহিয়া দাপদিলা বারো কি নুঙেইহাতইবা আছি তানু। কুংহাতৌ হবা পৌ নাপেইলাং। এহান অবশ্য বারেদেত্ত কুংগয়ৌ হারপানির শক্তি নেই। কারণ নকল হারৌপা-নুঙেইপার মাতৌ-মেইকাপ করিয়াই তানু মানুর মুঙে অভিনয় করিয়া যিতারাগা বারো যানাতউ পরিসি। কারন আলুয়া আহানির পথহান নেইথাংতে।

নগর বিশগাঁও তালখেই-তালখেই – ‘বিনা যুদ্ধে নাহি দিবো সূচাগ্র মেদিনী’

সঞ্জয় সিংহ
বাংলাদেশে আমার মানুর নাংকাপা পরগান দুগো নগর বারো বিশগাঁও। গাঙ দ্বিয়হানি এবাকা তালখেই তালখেই। থিনা ইসি দ্বিয় দাপাই আগই আগোর ছাগো না পারাদিতারা। আগই আগোর সাতহান দেখলে লেঙোকপা অনার মাতিক। বঙানির মাতৌ করতারা আকতাই আকতার কথা হুনলে। এহানেতে সমাজর আর যেতা হুরকা হুরকা গাঙসৌ আসি অতার মানু জবর মন বাগিসি। সমাজ সেবারী গিরোক নকিয়ৌ চকথা ইলা। কুংগৌ থামাদেনা নুয়ারলা পরগনা দ্বিয়গির কৌলি। এবাকা ঔ পরগনা দ্বিয়গির মানু ছাড়া জ্বি এগো লিবাকুরা আরতা কুংগউ নেইলা। পরগনা দ্বিয়গিতই দুর্গাপূজাত্ব কৌলির যাত্রাগো কুপানি ইসে বুলিয়া হুনলাং। ইমার পূজাত্ব অকরিসি কৌলি এতা এবাকা মহাভারতর ‘বিনাযুদ্ধে নাহি দিব সূচাগ্র মেদিনী’ অহাত পরে যারগা। ক্ষত্রীয়ই ক্ষত্রীয়ই কলিযুগে বারো কুরুক্ষেত্রর যুদ্ধত না লামবাং এহানই সমাজর হাবি মানুর নিংপাহান।

নগরে গেলগা কত বছর ধরিয়া পূজা কমিটির লগে অধিকাংশ গাঙর মানুর মতর মিল নাইলেও দ্বিবছর আগেতো গাঙহান পুরা দ্বি তালখেই। কাবর প্রতিষ্ঠাতা সদস্য বারো শুভাকাঙ্খী অতাই পূজা কমিটিরে কাবর জাগাহান এরাদিয়া যানারকা মাত্তারা। পুজা কমিটিরতাই মাততারাহানে এহাত কোনো কাব নেইসিল। আমি জায়গাহান না এরাদিবাং। যদিয়ৌ তাঙি আগে মাতেসিলা কাবগৌ, পূজা কমিটিহানৌ থাইতই বুলিয়া। পূজা কমিটির গুরুত্বপূর্ণ দায়িত্বে আছি গিরোক

বিষ্ণুপ্রিয়া মণিপুরী ঠারর সিনেমা ‘পরিত্রান’

‘পরিত্রান’ বুলিয়া বিষ্ণুপ্রিয়া মণিপুরী ঠারে হঙকরা আরাক নুয়া সিনেমা আহান রিলিজ পেইলো। গেলগা ১ অক্টোবর, ২০০৯ শিলচরর ডিসট্রিক্ট লাইব্রেরী মিলনায়তনে সিনেমাহার মহরৎ ইয়া গেলগা। এল এল প্রোডাকসনর প্রযোজনা বারো হীরেন সিংহ গিরকর পরিচালনাৎ হঙকরা সিনেমা এহার য়ারিহান বারো চিত্রনাট্য লেংকরেকুরাগো প্রবাসকান্তি সিংহ গিরোক। সিনেমাহার য়ারিহান গাঙ-গরে থাইতারা মানুরেলো।

হেইচা কতহান

ইথাক কপি আহান রুপা ২০০ !
ইথাকর পয়লা সংখ্যা ১৮ নবেম্বর ১৯৯৪ ইংরেজী জোড়ামন্ডপর ১৫২তম মহারাস উৎসবে ইরেই দিনে ছাতুইছিল। ঔ পত্রিকা অহানর কতোহান সংখ্যা আমারতা জরুরী দরকার। খুত না পালুইছে দাগ না লাগিছে ঙকখি কপি আমার আতে দিয়া পারলে আকেইহান কপিত নগদ রূপা ২০০ করিয়া দিতাঙাই।
মোবাইল- ০১৭১৪৫১৮৮৯৮, ০১৭২২৮৫২৪৮৫, ০১৭১৭৫৪২২৮৮,

৪২ বছর পরে বারো ফঙিল ‘মণিপুরের প্রাচীন ইতিহাস’

ঐতিহাসিক মহেন্দ্র কুমার সিংহ গিরোকর ‘মণিপুরের প্রাচীন ইতিহাস’ লেরিক অহান ৪২ বছর পরে বারো ফঙিল। এমতাগা নুকুলিল সম্পাদিত সংস্করণ এহানর সম্পাদনা করলো লেখক, গবেষক রব্বানী চৌধুরী গিরোকে। লেরিক এহান এগোদে হৌগদে প্রকাশনা উৎসবর পরে মানুয়ে যবর খৌরাঙে লুইতারা। গবেষক, ইতিহাসবিদ বেলিয়াউ সর্ব্বজনগ্রাহ্য ইতিহাসগ্রন্থ এহান নুয়াকরে শাতকরলা সমাজসেবারী সংস্থা পৌরিয়ে। মহেন্দ্র সিংহর ‘মণিপুরের প্রাচীন ইতিহাস-১ম খন্ডর এমারিকার সংস্করণর দহিনা থসি রূপা ১৫০।

পরলোকে সমাজর ৫ গো গুনী মানু

আমার সমাজর গুনী মানু ৫ গো ইহলোক ত্যাগ করিয়া পরলোকে গেলাগা। অতারমা ভাষা সৈনিক, মহান মুক্তিযুদ্ধর সংগঠক ঘোড়ামারার নীলমনি চাটার্জী (মনি এইগা), বেলীরাজা বিমল গিরোকর বনক সমাজসেবী, ইশালপী বীনা সিংহ, নাংকাপা ডাকুলা ডালুয়ার নন্দ গোপাল সিংহ, নাংকাপা লেরিক থিপা ডালুয়ার কৃষ্ণ সিংহ বারো মাছিমপুরর পুরেল এইগা কুলেশ্বর শর্ম্মা।

সমাজর ইপুথৌ সংগঠন মনিপুরী সমাজকল্যাণ সমিতি পয়লা হংকরানিত নীলমনি চাটার্জী (মেনি এইগা) অন্যতম আগো। আমার কীর্ত্তনর অষ্টরস হারপাসিল গিরক এগো কীর্ত্তন মাপুগো ইয়া বহিলে রস ছৈনা-খাতনা ইলেউ গিরকে চুমকরিয়া নিলোগা বুলিয়াউ মানুয়ে মাততারা। ভোটার আইডিকার্ড মতে মনি এইগার জরম ১৯২২ ইংরেজীর ১ জানুয়ারি। বাপক স্বর্গীয় যজ্ঞেশ্বর চাটার্জী মালক স্বর্গীয়া স্বর্ণলতিকা চাটার্জী। এইগার গরগিথানী ইন্দুরানী চার্টার্জী এইগার আগেই দৌর

মাছিমপুরে বিশ্বকবি রবীন্দ্রনাথ

সুনীল সিংহ
সংস্কৃতির ওগোদে মণিপুরী এতা আবোকচা সমৃদ্ধ। দেশে-বিদেশে মণিপুরী এলা নাচার থাকাত আছে। মণিপুর, ত্রিপুরা, আসাম রাজ্য বারো সিলেটে মণিপুরী নাচা এলা প্রকাশ পেইলেও নাচা এলা সারা বিশ্বত ছড়ানির কৃতিত্বহান বপিয়া পরেরতা সিলেটের (মাছিমপুরর নাঙহান) মণিপুরী এতারাং। ঔহানউ রবীন্দ্রনাথ ঠাকুর সিলেটর মাছিমপুরে আছি মণিপুরী গাংহান চানাত আহেছিল সময়রমা মণিপুরী নাচা চৌয়েয়া তারে মুগ্ধ করানিয়ে। রবীন্দ্রনাথ সিলেটেত্ব ফিরিয়া গিয়া বিশ্ব ভারতীরমা মণিপুরী নাচা এলা সিলেবাসে বরিয়া চালু করলো। ঔবাকা মণিপুরী নাচা এলা হিকানিরকা কোন প্রতিষ্ঠান নেয়োছিল। নাচা এলা হিকানির সোজা পথহান আছিলতা গুরুর ঘরে গিয়া হিকানী। ১৯১৯ সালর ৫ নভেম্বরর

লীলা পুরুষোত্তমর লীলা: বুকগোর মান্ডপে জ্বি

আমার শাস্ত্রত শ্লোক আহান আসে, অহান ইলতাই ‘ইশ্বর পরমকৃষ্ণ সচ্চিদানন্দ বিগ্রহ অনাদিরাদি গোবিন্দ সর্ব্বকারণকারণম’। শ্লোক এহানর মারেলহান ইলতাই পরব্রহ্ম পরমেশ্বর ভগবান শ্রীকৃষ্ণই হাবি কারণ’র কারণ। এগোদে গীতাহাতৌ ভগবান নিজেই মাতিসে যেতা ঘটে গিয়াসে, যেতা ঘটের বারো যেতা ঘটতোই এতা হাবিই হবাতা। এতা হাব্বি পরেউ কি কোন ঘটোনারকা আমি এতাই দুঃখ পানা, সমালোচনা, হারনাপেয়া আফসোস করানি থক? সুপৌ না। কিয়া বুল্লে আমি জরম অনা-মরানি এহানৌতে আমার আতে নেই। হানতে গেলগা ৫ আগষ্ট নিশা রাতি জোড়ামন্ডপর দৌ পুড়ানির ঘটোনা অহাল্ল আমি মানুয়ে যেগই যেতাউ নিংকরিয়া, মাতিয়া থাইক ‘সর্ব্বকারণ কারণম’ ছাড়া আমি কিত্তাউ হারপানির কথা নাবে। গীতাহানরে অমান্য করানি

ডালুয়া ভানুবিলে সংবর্ধনা। ‘দলাদলি নাকোরিও এতা সমাজর ক্ষতি- বিচারপতি

দলাদলী নাকোরিও।এতা সমাজর ক্ষতি। গেলগা ২৫ সেপ্টেম্বর ডালুয়ার মাহাদেবর থলিগোত বাংলাদেশ সুপ্রিম কোর্টের আপিল বিভাগোর বিচারপতি ডাঙরিয়া সুরেন্দ্র কুমার সিংহ গিরোকে সংবর্ধনা পেয়া কথা এহানি মাতলো। রাম সিংহ, ধীরচন্দ্র চাটার্জ্জী, অজা যাদব সিংহ বারো ইশাল্পা বাবুসেনা সিংহর অসারে গুণী মানুর গাং এহান সড়ক যোগাযোগ বারো শিায়-দিায় পিছিয়া আছে এহান দুঃখর কথাহান বুলিয়া মাতলা সম্বর্ধনা অনুষ্ঠানর বক্তাই। সভাহানাত প্রধান অতিথিগো করানি ইসিল

আজি মাধবপুরর জোড়ামান্ডপে ১৬৭তম মহারাসলীলানুকরন

আজি মহারাসলীলা। মাধবপুরের ত্রিমন্ডপে (জোড়া মন্ডপ) এমারি এহানর ১৬৭তম হান। ভগবান শ্রীকৃষ্ণর রাস লীলা অনুকরন করিয়া ১৬৬ বছর আগেতো মাধবপুর ত্রিমান্ডপে এ রাস লীলা অর। বেলিটিকে রাখোয়াল বারো রাতি মহারাসলীলাহান অইতয়। সেন্দাহাত আলোচনা সভা বারো সাংস্কৃতিক অনুষ্ঠান অইতয়। আলোচনা সভাত প্রধান অতিথিগো অইতয়গো বাংলাদেশ সরকারর সংস্কৃতি বিষয়ক মন্ত্রণালয়র প্রতিমন্ত্রীগো প্রমোদ মানকিন। আজি মাধবপুরের শিবমন্দিরেতো অকরিয়া মতই এইগার মান্ডপগো পর্যন্ত নানা জাতর দোকান বহিতায়। অহাত মানুর লেরিক, হুরকা কাগজ, পত্রিকা, ক্যাসেট,

বাংলাপিডিয়াত বিষ্ণুপ্রিয়া মণিপুরীর নাঙসাত নেই!

ইথাকর পৌ ( ৫ নভেম্বর ২০০৬)
বাংলাদেশর জাতীর বিশ্বকোষ বুলিয়া নিকালাসি ১০ খন্ডর বাংলাপিডিয়াত বাংলাদেশর কোণা কোনসেলর হুরুকাং ডাঙর হাবি প্রান্তিক জনগোষ্ঠির বিবরন থাইলেউ বিষ্ণুপ্রিয়া মণিপুরীর নাঙসাত নেই। মণিপুরীর নাঙে আসেতা হুদ্দা খাইর য়্যারি। ৭ম খন্ডর ৪৬৮, ৪৬৯ বারো ৪৭০ পৃষ্টাত বারো ২য় খন্ডর ৬-১৫ পৃষ্টা পেয়া হুদ্দা খাইর য়্যারিলো বুজাসি। মণিপুরীরে বুলতে ‘মৈতৈ’ বারো মণিপুরী ঠার বুলতে ‘মৈতৈ’ ঠার হারপানি উনি। ১৯১৯ সালে কবিগুরু রবীন্দ্রনাথ ঠাকুরর মাছিমপুর পরিদর্শন, জোড়ামান্ডপর রাসপুুর্ণিমা, ললিতকলা একাডেমীর কুনো নাঙনিশানা নেই। ভানুবিলর কৃষকপ্রজা আন্দোলন অহানউ খায়ে করিসিহান উনি। বাংলাপিডিয়ার প্রধান সম্পাদকগো ড. সিরাজুল ইসলাম বারো প্রকাশকগো-বাংলাদেশ এশিয়াটিক সোসাইটি। মুদ্রিত সংস্করন অহান বাদেউ বাংলাপিডিয়া সিডি বারো ওয়েবসাইট আকারেউ নিকালাসি। আজি পেয়া আমার মানুর কুনো সমিতি সংগঠনে এহার প্রতিবাদ নাকরেসি বা খোজখবর নালুয়াসি। ব্যক্তিগত পর্যায়ে দুগ আগই এহার ব্যাপারে কর্তৃপর লগে যোগাযোগ করলে তাঙরে করতাঙাই কররাঙ বুলিয়া বাংগালবুজ দিয়া থসি বুলিয়া পৌ পেইলাং। ইথাকর বারাদেত্ত এহার মুল ফংকরে তদন্ত করাত লামিয়া হারপেইলাংতা সিলেটের খাইমামা গাসিয়ে দাবদাদাবদি করিয়া হায়তাই নাবেতাই তথ্য সরবরাহ করিয়া এহান করেসিহান। আমার জ্ঞানেগুণে পাংকালপা নেতালকেইরাং এতা গুরুত্বপুর্ণ নাইলেউ খায়েতে যথেষ্ঠ গুরুত্ব দিতারা। আমার অসচেতনার কাজে কাস ফাইভর সমাজবিজ্ঞান লেরিকেত্ত চিঙকরিয়া বাংলাদেশর অন্যান্য জাতীয় প্রকাশনাত আমারে অবহেলা করানি অর। বাংলাদেশর ইতিহাস, ঐতিহ্য, সংস্কৃতি নিয়া জাতীয় পর্যায়ে লেরিক লেইসউ যেতা ফঙর অতাত আমার দু:খর, আহানির, কাদানির, ভাষা-সংস্কৃতির সঠিক কুনো ফাম নেই, যদিয়ৌ আমি যে দেশেউ থাইক, যে ফামেউ থাইক, ঔ দেশরে-ফামরে নিজর বুলিয়া নিঙকরিয়ার, চিন্তা করিয়ার বারো কাম করিয়া যারাঙগা। নিয়াম দিন এসাদে চললে বিষ্ণুপ্রিয়া মণিপুরী বুলিয়া জাত আহান বাংলাদেশে আছি অহানউ কততাই অস্বীকার করতাই।